“Son zəng“ tədbirləri ilə bağlı xəbərdarlıq.

AvroMedia.Az xəbər verir ki, bu barədə idarədən məlumat verilib.

Bildirilib ki, bəzi hallarda məzunlar və ya yetkinlik yaşına çatmayan şəxslər əyləncə məqsədilə müxtəlif nəqliyyat vasitələrini icarəyə götürməyə cəhd edirlər. Qeyd olunub ki, sürücülük hüququ olmayan şəxslərin sükan arxasına əyləşməsi qanunvericiliyin tələblərinə zidd olmaqla yanaşı, onların və digər hərəkət iştirakçılarının həyat və sağlamlığı üçün ciddi təhlükə yaradır. 

Bu səbəbdən avtomobil icarəsi şirkətlərinə nəqliyyat vasitələrini icarəyə verərkən sürücülük vəsiqəsinin etibarlılığını, şəxsin yaşını və nəqliyyat vasitəsini idarə etmək hüququnu diqqətlə yoxlamaq tövsiyə olunub.

DYP şirkətləri “Son zəng” tədbirləri ilə əlaqədar məktəblilərə və ya sürücülük hüququ olmayan şəxslərə avtomobil təqdim etməməyə çağırıb.

Məlumatda vurğulanıb ki, belə hallar aşkarlandığı təqdirdə qanunvericiliyə uyğun tədbirlər görüləcək.

Qurum hesab edir ki, bu məsələyə həssas yanaşılması mümkün xoşagəlməz hadisələrin qarşısının alınmasına və məzun gününün təhlükəsiz şəraitdə keçirilməsinə xidmət edəcək.