Aİ ölkələri Hörmüz boğazı üçün ödənişləri qəbul edir?

Avropa İttifaqının aparıcı ölkələri Hörmüz boğazından keçən tankerlər üçün İran və Omana ödənişlərin qaçılmaz olduğunu faktiki olaraq qəbul ediblər.
AvroMedia.Az  xəbər verir ki, bu barədə "Bloomberg" məlumat yayıb .

Agentlik diplomatik mənbələrə istinadən bildirib ki, bir sıra aparıcı Avropa ölkələri artıq Hörmüz boğazından keçən gəmilərin İran və Omana rüsum ödəməli olacağını etiraf edirlər.

Qeyd olunub ki, bu mövqe avropalılar tərəfindən hələ rəsmi olaraq elan edilməyib, çünki ABŞ hələ də Hörmüz boğazından sərbəst keçid üçün danışıqlar aparmağa çalışır və Avropa ölkələri boğazın minalardan təmizlənməsində iştirak etməyə hazır olduqlarını şifahi şəkildə bildirirlər.

Avropada hansı ödənişlərin məqbul sayıldığı hələlik məlum deyil, lakin ödəniş ideyası artıq qəbul edilib.