İran ABŞ-la danışıqlara başlamaqdan imtina etdi

ABŞ-İran nüvə danışıqları İsrail və Hizbullah arasındakı münaqişə səbəbindən dayanıb.
AvroMedia.Az xəbər verir ki, “Bloomberg” nəşri bu barədə ABŞ rəsmilərinə istinadən məlumat yayıb.

Mənbələrin bildirdiyinə görə, İsrail və Hizbullah bir-birini atəşkəsi pozmaqda ittiham edirlər. Ona görə də İran Livanı amerikalılarla razılaşmaya daxil etməkdə israr edir. Bu səbəbdən İran ABŞ-la danışıqlar üçün  İsveçrəyə nümayəndə heyətini göndərməkdən imtina edib.

Qeyd edək ki, ABŞ vitse-prezidenti Vens və xüsusi elçi Vitkoff İran nümayəndələri ilə danışıqlar üçün İsveçrədə səfərdədirlər.

Qeyd edək ki, dünən İsrail və “Hizbullah” arasında atəşkəs elan edilsə də, bu gün yenidən İsrail ordusu Livanın cənubuna hava zərbələri endirib.

Nəticədə 16 nəfər həyatını itirib, 12 nəfər isə yaralanıb. 

Xatırladaq ki, ABŞ və İran arasında imzalanan Anlaşma Memorandumunun ilk müddəasında Livanda atəşkəsin dərhal təmin olunması məsələsi öz əksini tapıb. Bundan əlavə, İran rəsmiləri dəfələrlə sülh üçün əsas şərtlərdən biri kimi İsrailin Livana hücumları dayandırmasını irəli sürüb.