Aynişan Quliyevadan “35 yaş manifesti”

Bloqçu Aynişan Quliyeva 35 yaşını fərqli bir paylaşımla qeyd edib.

AvroMedia.az xəbər verir ki, o, “Instagram” hesabında yeni yaşında həyat prinsiplərini və qəbul etdiyi mühüm qərarları izləyiciləri ilə bölüşüb.

Aynişan daxili rahatlığını üçün artıq bəzi qaydalara əməl etdiyini bildirib:

“Heç kim inciməsin deyə öz rahatlığımdan keçmir, “yox” deməkdən çəkinmir və hər dəvətə “hə” demirəm. Məni yoran söhbətləri uzatmır, enerjimi mənə yaxşı gəlməyən insanlara sərf etmirəm. Mükəmməl olmağa çalışmır, özümü başqaları ilə müqayisə etmir və kiminsə məni bəyənməsi üçün dəyişmirəm. Mənə aid olmayan məsuliyyəti üzərimə götürmür, tək qalmaqdan narahat olmur və keçmişi özümlə daşımıram”.