Ölüm qorxusu ən çox bu yaşlarda hiss olunur

AvroMedia.Az  Demokrat.az-a istinadla xəbər verir ki, bu barədə klinik psixoloq Marianna Abravitova RT-yə müsahibəsində danışıb.

Onun sözlərinə görə, ölüm qorxusu daha çox gənc və orta yaş dövründə pik həddə çatır. Yaşlı insanlar isə zaman keçdikcə həyatın sonlu olduğunu qəbul etməyə başlayır və bu səbəbdən ölümə qarşı daha sakit yanaşırlar.

Marianna Abravitovanın fikrincə, məhz bu psixoloji uyğunlaşma yaşlı insanlarda ölüm qorxusunun zəifləməsinə səbəb olur. Gənclər isə qarşıda uzun bir ömür olduğunu düşündükləri üçün həyatı itirmək ehtimalını daha ağır qəbul edirlər.

Ekspert qeyd edib ki, ölüm qorxusu müəyyən həddə qədər normal psixoloji reaksiyadır. Lakin bu hiss insanın gündəlik həyatına mane olur, daimi narahatlıq yaradır və ya panik ataklarla müşayiət edilirsə, psixoloq və ya psixoterapevtə müraciət etmək tövsiyə olunur.