Azərbaycanda sosialyönlü xərclərin miqdarı artıb

AvroMedia.Az Maliyyə Nazirliyinin məlumatına istinadən xəbər verir ki, cari ilin ilk altı ayında dövlət büdcəsi xərclərinin 11 milyard 642 milyon 500 min manat və ya 69.4 faizi cari xərclərə, 4 milyard 188 milyon 200 min manat və ya 25 faizi əsaslı xərclərə, 944.8 milyon manatı və ya 5.6 faizi dövlət borcuna xidmətlə bağlı xərclərə sərf edilib.

Bu ilin altı ayında dövlət büdcəsi xərclərinin 52.4 faizi və ya 8 milyard 787 milyon 100 min manatı sosialyönlü xərclərin (büdcə xərclərinin əməyin ödənişi fondu, qida məhsullarının alınması, təqaüd və sosial müavinətlər, dərman, sarğı ləvazimatları və materiallarının alınması, icbari tibbi sığorta üzrə xərclər) maliyyələşdirilməsinə yönəldilmişdir ki, bu da 2025-ci ilin eyni dövrü ilə müqayisədə 951.3 milyon manat və ya 12.1 faiz çoxdur.