Məşhur futbolçu saxlanıldı - Adı 4 cinayət işində hallanır

Fransa yığmasının keçmiş yarımmüdafiəçisi Samir Nəsri polis tərəfindən saxlanılıb və Parisdəki bölmələrin birində on saata yaxın vaxt keçirib.

AvroMedia.az xəbər verir ki, bu barədə "Le Parisien" məlumat yayıb.

İddia edilir ki, idmançı narkotik qaçaqmalçılığı, cinayətkar razılaşmada iştirak və mütəşəkkil qrupun tərkibində cinayət yolu ilə əldə edilmiş gəlirlərin leqallaşdırılması faktları üzrə istintaq tədbirləri çərçivəsində dindirilib.

Daha sonra futbolçu heç bir ittiham irəli sürülmədən sərbəst buraxılıb. Nəşrin məlumatına görə, Nəsri adı pulların yuyulması ilə bağlı epizodlardan birində keçir.