İdmançılarımız ölkənin nüfuzunu ucaldır

“Azərbaycan idmançılarının beynəlxalq arenada qazandıqları uğurlar ölkəmizin nüfuzunun daha da yüksəlməsinə xidmət edir”
Gənclərimizin idmanla məşğul olması onların zərərli vərdişlərdən uzaq qalmasına mühüm töhfə verir. Gənclər idmanla nə qədər çox məşğul olsalar, sağlam həyat tərzini mənimsəyər, sağlam düşüncəyə və düzgün həyat prinsiplərinə bir o qədər çox yiyələnərlər.Bu fikirləri Azərbaycan Kikboksinq Federasiyasının vitse-prezidenti Azər Aslanov səsləndirib.O bildirib ki, Azərbaycan Kikboksinq Federasiyası ölkədə idmanın kütləviləşdirilməsi və gənclər arasında daha da populyarlaşdırılması istiqamətində ardıcıl fəaliyyət göstərir."Azərbaycan Kikboksinq Federasiyası güclü və köklü idman təşkilatıdır. Federasiya ətrafında sağlam həyat tərzini seçən, vətənpərvər və dövlətinə bağlı gəncləri bir araya gətirir. Azərbaycan Prezidenti, Milli Olimpiya Komitəsinin Prezidenti İlham Əliyevin ölkədə idmanın inkişafı istiqamətində həyata keçirdiyi siyasəti və atdığı addımları bütün gücü ilə dəstəkləyir, bu şərəfli missiyaya öz töhfəsini verir.Azərbaycan idmançılarının beynəlxalq arenada qazandıqları uğurlar ölkəmizin nüfuzunun daha da yüksəlməsinə xidmət edir və Azərbaycanın dünyada idman ölkəsi kimi tanınmasına mühüm töhfə verir."