Bu müəllimlər 2000 manatdan çox maaş alır

Bir sıra müəllimlərin həftəlik dərs yükünün kəskin aşağı olması aylıq əməkhaqqı məbləğini azaldır.
AvroMedia.Az  xəbər verir ki, bu barədə elm və təhsil naziri Emin Əmrullayev ADA Universitetində keçirilən "Sertifikatlaşdırma 2026: Səriştəli Müəllim – Keyfiyyətli Təhsil" mövzusunda tədbir zamanı açıqlayıb. 

Nazirin sözlərinə görə, orta dərs saatı 8 saat olan müəllimlər 14 372 nəfərdir (12%). Onlar 500 manata qədər maaş alırlar. 

500-1000 manat arası maaş alanlar 45 min 126 nəfərdir (39%). Onlar həftədə 17 saat işləyirlər. 

Həftədə 25 saat işləyən 36% müəllim (40 240 nəfər) var ki, onlar 1000-1500 AZN maaş alırlar.

2000 manata qədər maaş alan müəllimlərin sayı 14 228 nəfərdir (12%). Onlar həftədə 31 saat dərs deyirlər. 

2000 manat və daha artıq maaş alan müəllimlərin sayı isə 1 426 nəfərdir. Onlar müəllimlərin 1%-ni təşkil edir. Həmin müəllimlər həftədə 34 saat dərs deyirlər.