Putin Arktikada əsgər sayını artırır

Arktika zonasında Rusiya hərbçilərinin sayı artacaq.
AvroMedia.az xəbər verir ki, bu sözləri Prezident Vladimir Putin “Arktika: Dialoq ərazisi” VI Beynəlxalq Forumunda bildirib.
Onun sözlərinə görə, həmçinin Arktikada Rusiya əsgərləri, zabitləri və onların ailə üzvlərinin yaşadığı hərbi şəhərciklərin və qapalı inzibati-ərazi qurumlarının abadlaşdırılması proqramı uzadılacaq:
“Belə bir yeniləmə proqramı federal büdcədən illik ən azı 10 milyard rubl maliyyə dəstəyi ilə ən azı 2030-cu ilə qədər qüvvədə olmalıdır. Mən vurğulamaq istərdim ki, bu, əlbəttə ki, bu regionda hərbi komponentimizin güclənməsi ilə də bağlıdır - burada hərbi personalın sayı artacaq”.
Putin vurğulayıb ki, Rusiya heç vaxt Arktikada heç kəsi təhdid etməyib:
“Lakin biz vəziyyətin inkişafını diqqətlə izləyirik, adekvat cavab xətti hazırlayır, silahlı qüvvələrin döyüş qabiliyyətini artırır və hərbi infrastruktur obyektlərini modernləşdiririk”.скачать dle 12.1