Bu ölkədə COVID-19-a yoluxanların sayı artdı

Cənubi Koreyada COVID-19-a görə xəstəxanaya müraciət edənlərin sayı 4 həftə ərzində 6 dəfə artıb.

AvroMedia.az xəbər verir ki, Koreya Xəstəliklərə Nəzarət və Qarşısının Alınması Agentliyi (KDCA) ölkədə COVID-19 hadisələri ilə bağlı məlumatları dərc edib.

Məlumata görə, avqustun ilk həftəsində COVID-19-a görə xəstəxanalara müraciət edənlərin sayı 4 həftədə 6 dəfə artaraq 861-ə çatıb. Hadisələr fevral ayından bəri qeydə alınan ən yüksək səviyyəyə çatıb.

Onların sayının artmasına baxmayaraq, xəstələrin 90 faizindən çoxunun xəstəlikdən yüngül simptomlarla sağ qaldığı açıqlanıb. Bildirilib ki, 65 yaşdan yuxarı insanlar üçün COVID-19-a qarşı peyvənd prosesi oktyabr ayında davam edəcək.