Uşaqlarıda baş ağrısının səbəbləri - GÖZARDI ETMƏYİN

Bunu Uşaq Sağlamlığı və Xəstəlikləri Mütəxəssisi Dr. Seral Back deyib.

O bildirib ki, uşaqlarda da böyüklər kimi baş ağrısı ola bilər. Bəzi ailələr övladlarının başı ağrımayacağını düşünür, bunu sadəcə olaraq məktəbə getməmək və ya dərslərini etməmək üçün bəhanə hesab edirlər. Amma onlar bu məqamda mühüm detalları qaçıra bilərlər. Bəzi xəstəliklərin inkişafına səbəb ola bilərlər.

“Ümumilikdə uşaqlarda baş ağrısının 5 növü var. Bunlardan birincisi kəskin baş ağrılarıdır. Kəskin baş ağrıları infeksiya, travma, kəllədaxili qanaxma və ya meningit nəticəsində yaranan baş ağrılarıdır. Epizodik baş ağrıları təkrarlanan aralıq baş ağrılarıdır. Bunlara adətən uşaqlıq miqrenində rast gəlinir. Xroniki mütərəqqi baş ağrıları isə beyində yer tutan beyin şişləri zamanı görünən və diqqət edilməsi lazım olan baş ağrıları növüdür. Xroniki, mütərəqqi olmayan baş ağrıları psixogen mənşəlidir. Mix tipi baş ağrıları isə mövcud xroniki baş ağrılarının xarakterini dəyişdirərək irəliləyir”,-deyə mütəxəssis qeyd edib.

Həkimin sözlərinə görə, baş ağrılarının müalicəsi altında yatan səbəbə bağlıdır. Müalicə hər səbəbə görə dəyişir. Müvafiq anamnez alınmadan və lazımi müayinələr aparılmadan ağrıkəsicilər verilərsə, klinik mənzərə boğulacaq və diaqnoz dəyişdiriləcək. Bunun təhlükəli nəticələri ola bilər. Uşaqlarda baş ağrılarının səbəblərinə nəzər saldıqda onların 60 faizinin kəskin infeksiyalar olduğunu görürük. Bunun xaricində diş çürükləri, qulaq infeksiyaları, burun tıxanıqlığı, gözlərdə refraktiv qüsurlar, miqren, kəllədaxili formasiyalar dediyimiz beyin şişləri, beyində maye yığılması, hidrosefali, travmalar və beyin qansızmalarına rast gəlinir. Miqren baş ağrılarının xarakterik xüsusiyyəti, ağrı səbəbilə səsə və işığa həssaslığın olunmasıdır.