Yeniyetmələr evdən buna görə qaçırlar

Uşaqların ən təhlükəli yaş dövrü yeniyetməlik vaxtları hesab olunur. Çünki bu yaşlarda onlar ən ağılasığmaz addımlar ata bilirlər. Son vaxtlar isə bu yaşda olan uşaqların evdən qaçması halları ilə daha çox rastlaşırıq. Bəs görəsən, bu kimi hallar niyə baş verir?
Mövzu ilə bağlı danışan psixoloq Sevinc Həbibova bildirib ki, bu, uşaqlarda böhran dövrü sayılır.
“Əsasən 10, 11 və 12 yaşlı uşaqlarda bu hal müşahidə olunur. Onlar sanki tez böyümək və sərbəst olmaq istəyirlər. Elə fikirləşirlər ki, onlara heç kim qulaq asmır. Çünki onların hormonlarında dəyişiklik gedir. Sosial şəbəkələr də  ir yandan onları tətikləyir. Ancaq 17 və ya 18 yaşında onlar bu hərəkəti etmirlər. Bu, sanki bir dövrdür. Hərkəs o dövrdən keçir. “
Psixoloqun sözlərinə görə, elə yeniyetmələr var ki, evdən qaçmaq haqda düşünmür, ancaq tək qalmaq istəyir.
“Ümumiyyətlə, valideynləri hər hansı məclisə gedəndə belə, onlar tək qalmağa üstünlük verirlər. Həmin uşaqların dünyaları sanki təklikdən ibarət olur. Hər şeydən təcrid olunub, evə qapanırlar. Bəzən qızlar kiçik yaşlarında analarının ayaqqabılarını, paltarlarının geyinirlər. Tez böyüməyə can atırlar. Bu hal müəyyən yaş dövrünə qədərdir. Böhran dövrü qurtaranda, sabit həyatlarına davam edirlər.“скачать dle 12.1