90-lıq yolda 86 sürətlə cərimə yazılıb - Sürücü şikayətçidir VİDEO

Qazax sakini Tural Məmmədkərimov rayonun İkinci Şıxlı kəndi ərazisində idarə etdiyi minik avtomobili ilə radara düşüb.

AvroMedia.az-ın məlumatına görə, sürücü iddia edir ki, yolda sürət həddi 90 km/saat göstərilsə də ərazidə xidmət aparan yol polisinin xidməti avtomobili onu radara 86 km sürətə görə cərimələyib.
Sürücü barəsində tətbiq olunan protokolu qanunsuz hesab edir. Vətəndaş bununla bağlı aidiyyəti üzrə müraciətlər də edib, lakin üzərindən bir ay keçməsinə baxmayaraq cərimə hələ də silinməyib.
Daxili İşlər Nazirliyinin Mətbuat xidmətinin Gəncə regional qrupunun baş inspektoru Eşqin Qasımov “Xəzər Xəbər”ə bildirib ki, fakt araşdırılır.
O da bildirilib ki, protokolun ləğv edilməsinə dair düzəliş qeyri-iş günlərinə görə gecikib.
Xezerxeber.az mövzu ilə bağlı daha ətraflı videomaterialı təqdim edir.