Çərşənbə suyu mənim gözlərimdən axır...

Aləmzər SADİQQIZI

Məni Novruz bayramı ilə sən "barışdırmışdın"...
On yaşından Novruz sözü gələndə diksinirdim... Atamsız yaşadığımız o acı günlər mənə bayram kimi görünmədi...
Sən gəldin evimizə Novruzu gətirdin... Xonça düzəltdin, səməni qoydun, aş süzdün... mən də içim qan ağlasada güldüm danışdım...
Sən axı bilirdin mən hansı acılarla böyümüşdüm... Niyə qoymadın balaların ürəkli böyüsün? Mənə bir daha yaşatdın o acı günləri. İndi bomboş stola baxıb səni "günahlandırıram"... Bu gün su çərşənbəsidi... O su mənim gözlərimdən axır... Səni axtarıram... balalarımı axtarıram... Divardan boylanan şəklin içimi göynədir... Canım Aytənim, getdiyin yer nur olsun,işıq olsun!
Allah balalarıa kömək olsun! Mənə onların xoş günlərini göstərsin!