“Bu, NATO-ya təsir etməyəcək”

“ABŞ Prezidenti Donald Tramp administrasiyası tərəfindən çox sayda ölkəyə təyin edilən gömrük rüsumları NATO-ya təsir etməyəcək”.
Bunu “CBS” telekanalına müsahibəsində NATO-nun Baş katibi Mark Rutte deyib.
“Bunun ayrı-ayrı müttəfiqlərə təsirsiz ötüşəcəyini deyə bilmərəm, lakin bu, alyansa təsir göstərməyəcək”, - deyə Rutte vurğulayıb.
O, həmçinin qeyd edib ki, mümkün ticarət müharibəsi heç bir şəkildə Avropa ölkələrinin müdafiə xərclərinə və onların NATO qarşısında öhdəliklərini yerinə yetirməsinə təsir etməyəcək.
Xatırladaq ki, bir neçə gün əvvəl ABŞ Prezidenti Donald Tramp bir çox ölkələrdən ABŞ-yə məhsul idxalına qarşılıqlı tariflər elan edib. Azərbaycanın da yer aldığı siyahıdakı ölkələr üçün baza səviyyəsində gömrük rüsumları 10 faiz təşkil edir. Bununla belə, Çin üçün bu tarif 34, Tayvan üçün 23, Avropa İttifaqı üçün isə 20 faiz təyin edilib.скачать dle 12.1