“Sumqayıt”ın seriyası qırıldı

AvroMedia.az xəbər verir ki, günün ilk görüşündə “Araz-Naxçıvan” “Zirə” ilə üz-üzə gəlib. Oyun 1:1 hesablı heç-heçə ilə başa çatıb.

Beləliklə, Elmar Baxşıyevin komandası turnir cədvəlində 21 xalla üçüncü, “Zirə” isə 17 xalla dördüncü pillədə qərarlaşıb.

Daha sonra “Səbail” öz meydanında “Sumqayıt”ı qəbul edib. Görüş qonaqların 1:0 hesablı qələbəsi ilə başa çatıb.

Bununla da “Sumqayıt” 7 tur davam edən qələbəsizlik seriyasına son qoyub.

Qeyd edək ki, Sumqayıt təmsilçisi turnir cədvəlində 10 xalla 7-ci, “Səbail” isə 7 xalla 9-cu yerdədir.

Xatırladaq ki, turun ilk oyununda “Turan Tovuz” “Kəpəz”i 2:1 hesabıyla məğlub edib. “Sabah” - “Neftçi” və “Qarabağ” - “Şamaxı” oyunları sabah keçiriləcək.