Xocalı.....

Nə çəkilən filmlər...nə yazlan şeirlər...
Anlada bilməz səni....
Danışa bilməz kimsə o gecənin dərdini....
Özün boyda məzarsan... özün boyda ağrısan....
Sinəmizdə göynəyən ən ağrılı yarasan...
Xocalı....
Kim yaza bilər o gün güllədən perik düşən quşların naləsini...?
Hansı körpə oynayar yuvasından sökülən
körpə iniltisini...?
O dərisi soyulan...o gözləri oyulan...
Əllərinə xına tək bala qanı qoyulan...
Xəyalları bir gündə yüz yerindən dağılan ...
O məsum körpələrin...o yazıq anaların..
O sevgili qızların....
Kim oynayar rolunu....!!!!????
Kim yaza bilər axı bu vəhşəti,oyunu...?
Xocalı....
O gecə boğazında düyün düşüb haçandı...
Sinən cadar-cadardı...əllərin qabar-qabar...
Hamı ölüb qurtarıb.... ayaq üstə özünə
Dip diri məzar qazar...
Kim sənə ağı deyər...kim sənə layla çalar?
Dilində nəğmə donub...gözlərində haraylar...
Xocalı....
Evdə bir addım atıb o yorulan nənələr...
Ürəyi nağıl dolu körpələşən dədələr...
Yollarda yorulanlar... meşələrdə bitənlər...
Dəstə-dəstə ölənlər... cərgə-cərgə itənlər...
"Vağzalısı " nalədən, gəlinliyi kəfəndən
Əsir gedən gəlinlər...
Yaddaşını hər gecə didər ,yeyər, silkələr...
Xocalı....
Sən elə ağrısan ki...sən elə dünyasan ki...
Kimsə sirrini bilməz...kimsə dərdini çözməz...
Sənin o bir gecəni min film çəkə bilməz!!!
Ay təpədən dırnağa özü boyda qəm yüküm...
Səni hansı yaddaşa ,hansı ağrıma büküm????
Sənə təsəlli kimi Təbrizimi göstərim?
İrəvandan ,Göyçədən, Şuşadanmı danışım?
Yerdə yeri yandıran...Göydə göy-göy alışan...
Ana dərdim...Can dərdim...
Əyilən başım mənim...
Səni necə unudum...səni necə gizlədim???
Xocalı.....
Aləmzər Sadıqqızı

Xocalı.....

FACEBOOK ŞƏRH YAZ

DİGƏR XƏBƏRLƏR