Ermənistan İrandan maye qaz alacaq

"Ermənistanın İrandakı ticarət attaşesi mənə İrandan mayeləşdirilmiş təbii qaz ixracı ilə bağlı problemin həll olunduğunu bildirdi, yəni İranın mayeləşdirilmiş təbii qazı da yaxın günlərdə idxal olunacaq və bu, qiymətləri daha da aşağı salacaq".

AvroMedia.Az news.am-a istinadla xəbər verir ki, bunu Ermənistanın iqtisadiyyat naziri Gevorq Papoyan bildirib.
O, Rusiyadan Ermənistana nəql idxal olunan mayeləşdirilmiş təbii qaz qiymətinin artdığını qeyd edib.

Nazirin sözlərinə görə, hakimiyyətin minimum planı Ermənistanı kifayət qədər mayeləşdirilmiş qazla təmin etmək idi və indi buna nail olunub.

"Bu gün Ermənistanın hər yerində mayeləşdirilmiş qaz mövcuddur və Aparandakı yanacaqdoldurma məntəqələrində qiymət litri 300 dramdan 240 dram qədər düşüb. Qiymət yüksəkdir, amma düşməlidir", - deyə Papoyan fikirlərini yekunlaşdırıb.