“Nutella” 60 ildən sonra ilk dəfə tərkibini dəyişir.

Dünyaca məşhur “Nutella” kremi tarixində ilk dəfə əsas xəttinə yeni dad əlavə etməyə hazırlaşır.
AvroMedia.Az xəbər verir ki, şirkət 1964-cü ildən bəri dəyişməyən klassik reseptdən kənara çıxaraq, fıstıqlı yeni variantı əvvəlcə ABŞ bazarında təqdim edəcək.
Məlumata görə, bu qərar Amerika bazarındakı istehlak vərdişləri ilə əlaqədardır. Belə ki, ABŞ-də fıstıq yağı olduqca populyardır və istehsalçı da yerli zövqlərə uyğun məhsul təklif etməyə çalışır.