Birgə hərbi dron istehsal edəcəklər.

Serbiya öz ərazisində İsraillə birgə hərbi pilotsuz uçuş aparatlarının (PUA) istehsalına başlayacaq.
AvroMedia.Az xəbər verir ki, bu barədə ölkə Prezidenti Aleksandar Vuçiç məlumat verib.
"İstehsalını planlaşdırdığımız dronlar ucuz olmasa da, son dərəcə effektivdir. Onlar həm canlı qüvvənin, həm də zirehli texnikanın məhv edilməsi üçün nəzərdə tutulub. Layihə İsrail texnologiyası əsasında reallaşacaq, çünki onlar bu sahədə ən yaxşılardandır. İstehsalı isə 50/50 prinsipi ilə bölüşəcəyik. Beləliklə, biz həm innovativ texnologiyalar əldə edirik, həm də gələcəkdə bu növ texnologiyaları müstəqil yarada biləcək mütəxəssislər yetişdiririk", - deyə Vuçiç "Kobra" xüsusi təyinatlı hərbi polis dəstəsinin yaranma günü münasibətilə keçirilən tədbirdə jurnalistlərə bildirib.