Türkiyədə təhsil işçiləri tətilə başlayır

Türkiyədə təhsil işçiləri tətil qərarı alıblar.
AvroMedia.Az Türkiyə mediasına istinadən xəbər verir ki, buna səbəb bu gün Şanlıurfada bir liseyə 18 nəfərin yaralanması ilə nəticələnən silahlı hücumun edilməsidir.
Xatırladaq ki, səhər saatlarında texniki peşə liseyinin keçmiş şagirdi Ömer Ket adlı 19 yaşlı  gənc silahla məktəbə hücum edib.

Aksiya təşkilatçıları məktəblərdə təhlükəsizlik tədbirlərinin gücləndirilməsi və konkret addımların atılması üçün bütün təhsil işçiləri birləşməyə çağırılır.
Təşkilatın sədri Kadem Özbay bildirib ki, Siverek liseyində baş verən silahlı hücum məktəblərdə təhlükəsizlik sisteminin iflasa uğradığını göstərir.
Onun sözlərinə görə, “ən təhlükəsiz məkanlar olması gərəkən məktəblərdə müəllimlərin öldürülməsi, şagirdlərin yaralanması qəbuledilməzdir”. Özbay əlavə edib ki, dəfələrlə edilən xəbərdarlıqlara baxmayaraq, zəruri tədbirlərin görülməməsi məsul şəxslərin məsuliyyətsizliyini ortaya qoyur.
Təhsil ictimaiyyəti məsələ ilə bağlı Yusuf Tekini də istefaya çağırıb.скачать dle 12.1