İstanbul bələdiyyəsində 2-ci əməliyyat: Vəzifəlilər saxlanıldı

İstanbul Böyükşəhər Bələdiyyəsində (İBB) korrupsiyaya qarşı ikinci geniştərkibli əməliyyat keçirilib.
AvroMedia.az xəbər verir ki, bu barədə Türkiyə mediası məlumat yayıb.
Əməliyyat çərçivəsində aralarında yüksək vəzifəli şəxslərin olduğu 47 nəfər saxlanılıb. Altı nəfərin isə axtarışları davam etdirilir.
Saxlanılanlar arasında İBB baş katibinin müavini Arif Gürkan Alpay, İstanbul Su və Kanalizasiya İdarəsinin (İSKİ) baş direktoru Şəfəq Başa, İSKİ-nin baş direktor müavini Begüm Çelikdələn, Əkrəm İmamoğlunun şəxsi katibəsi Qədriyə Kasapoğlu, Murad Ongunun həyat yoldaşı Gözdəm Ongun, sədr müavini Murad Yazıcı və İBB Texnologiya Qrupunun prezidenti Ərgün Özər də var.
Xatırladaq ki, İBB-yə qarşı əməliyyatların ilk dalğası martın 19-da həyata keçirilib. Əməliyyatlar zamanı 94 şübhəli saxlanılıb, onlardan 54-ü həbs edilib.скачать dle 12.1