Trampın bir qərarı Maska 36 milyard qazandırdı

ABŞ Prezidenti Donald Trampın idxal rüsumlarının artırılmasını 90 gün gecikdirmək qərarından sonra dünyanın ən zəngin insanlarının ümumi sərvəti rekord səviyyədə - 304 milyard dollar artıb.
Bu barədə “Blumberq” məlumat yayıb.
Bildirilib ki, Trampın qərarından sonra “Tesla” səhmləri 23% qalxıb, nəticədə Maskın kapitalı 36 milyard dollar artıb.
“Meta” korporasiyasının rəhbəri Mark Zukerberqin sərvəti 26 milyard dollar, texnologiya şirkəti “Nvidia” nın rəhbəri Censen Huanqın sərvəti 15,5 milyard dollar çoxalıb.
Ümumilikdə dünyanın ən varlı adamlarının ümumi sərvətinin 304 milyard dollar artması Milyarderlər İndeksinin bütün tarixində rekorda çevrilib. Əvvəlki 233 milyard dollarlıq artım rekordu 2022-ci ildə qeydə alınıb.
Qeyd edək ki, aprelin 2-də Tramp 185 ölkə və ərazidən gələn məhsullara rüsumlar tətbiq etdiyini açıqlayıb. Aprelin 5-dən 10%-lik əsas universal gömrük rüsumları, aprelin 9-da isə fərdi gömrük rüsumları qüvvəyə minib.
Aprelin 9-da Tramp danışıqlara hazır olan 75-dən çox ölkəyə qarşı tarif artımlarını 90 gün müddətinə dayandırdığını açıqlamışdı. Çinə tariflər isə 145%-ə qaldırılıb.скачать dle 12.1