Bu ölkə ən böyük silah idxalçısı olub

Stokholm Beynəlxalq Sülh Araşdırmaları İnstitutu (SIPRI) 2020-2024-cü illərdə qlobal silah ticarətinin vəziyyəti ilə bağlı hesabat dərc edib. Hesabata əsasən, Ukrayna 2020-2024-cü illərdə ən böyük silah idxalçısı olub.
Qeyd olunan dövrdə Kiyevin silah alışının həcmi 2015-2019-cu illərlə müqayisədə təxminən 100 dəfə artıb.
2022-ci ildə Rusiyanın Ukraynaya qarşı hərbi əməliyyatları başlayandan bəri Kiyevə silah tədarükü 35 ölkədən gəlib və qlobal silah idxalının 8,8%-ni təşkil edib.
Ukraynaya ən böyük silah tədarükçüləri ABŞ (45%), Almaniya (12%) və Polşa (11%) olub. Ukrayna 2020-2024-cü illərdə ilk on idxalçı sırasına daxil olan yeganə Avropa ölkəsidir.
Ən böyük silah ixracatçıları arasında Çin 2020-2024-cü illərdə qlobal həcmin 5,9 faizini təşkil edərək dördüncü yerdə qərarlaşıb. Hindistan, Qətər, Səudiyyə Ərəbistanı və Pakistan Ukrayna ilə birlikdə 2020-2024-cü illərdə ilk beşlikdə ən böyük silah idxalçısı olublar.
Eyni dövrdə Fransa 65 ölkəyə silah göndərən ən böyük tədarükçü kimi ikinci yeri tutur. 2020-2024-cü illər arasında Fransada silah satışının həcmi 2015-2019-cu illərlə müqayisədə təxminən üç dəfə (+187%) artıb.
2020-2024-cü illərdə Rusiya 33 ölkəyə silah tədarük edib. Ümumi məbləğin üçdəikisi üç ölkənin payına düşür: Hindistan (38%), Çin (17%) və Qazaxıstan (11%)
Həmçinin SIPRI hesabatında qeyd olunur ki, regional münaqişələr və gərginliklər Yaxın Şərqdə silah idxalına tələbi artırır.скачать dle 12.1