Ukraynanın gözlədiyi xəbər - Bayden icazə verəcək?

Böyük Britaniya və ABŞ yaxın həftələrdə Ukraynaya Qərbin “Storm Shadow” raketləri ilə Rusiyanın dərinliklərinə zərbə endirməsinə icazə vermək barədə gizli qərar qəbul etməyi planlaşdırırlar.
Bu barədə “The Times” qəzeti Qərb diplomatlara istinadən yazır.
Qeyd olunub ki, müttəfiqlər bunu ilk zərbələr həyata keçirilənədək gizli saxlamağa çalışacaqlar.
KİV-in məlumatına görə, yekun qərar gələn həftə BMT Baş Assambleyasının 79-cu iclasında verilə bilər.
Xatırladaq ki, Böyük Britaniya və Fransa Ukraynanın Qərbin uzaqmənzilli silahları ilə Rusiyanın dərinliklərinə zərbə endirməsinə qoyulan məhdudiyyətlərin aradan qaldırılmasının tərəfdarı olsa da, ABŞ icazə verməyib. Qərb liderlərinin bu məsələ ilə bağlı müzakirələrini şərh edən Rusiya Prezident Vladimir Putin bildirmişdi ki, Rusiyaya zərbə endirmək üçün uzaqmənzilli silahlardan istifadəyə icazə verilməsi ABŞ və digər NATO ölkələrinin hərbi münaqişədə birbaşa iştirakı deməkdir.скачать dle 12.1