Putin NATO ilə təhlükəsizliyi müzakirə etməyə hazır olduğunu deyib

Rusiya bütün tərəflərlə, o cümlədən Avropa İttifaqı ölkələri, həmçinin NATO ilə Avrasiyada bərabər və bölünməz təhlükəsizlik məsələlərini müzakirə etməyə hazırdır. Lakin bu, onlar buna hazır olduqda mümkün olacaq.
AvroMedia.az xəbər verir ki, bu barədə Rusiya prezidenti Vladimir Putin Kremldə hərbi ali məktəblərin məzunları ilə görüşündəki çıxışı zamanı bildirib.
“Biz bu əsas, həyati vacib məsələlərin həm Şanxay Əməkdaşlıq Təşkilatı, MDB, Aİİ, BRİKS-dəki həmkarlarımızla, həm də digər beynəlxalq birliklərlə – Avropa və NATO dövlətləri ilə geniş beynəlxalq müzakirəyə hazırıq”, - deyə Rusiya prezidenti vurğulayıb.
"Təbii ki, onlar buna hazır olduqda", - deyə Putin əlavə edib.