Çilinin helikopter qəzasında həlak olan keçmiş prezidenti Sebastyan Pinyera göyərtədə olan sərnişinləri xilas etmək üçün özünü fəda edib.
Bu barədə mərhum siyasətçinin Nazirlər Kabinetinin keçmiş naziri Karla Rubilar, Pinyeranın bacısının dediklərinə istinadla məlumat verib.
“Prezidentin bacısı deyir ki, mərhumun son sözləri “əvvəlcə siz atılın, çünki mən sizinlə tullansam, helikopter (hamımızın üstünə) düşəcək” olub”, - deyə Rubilar bildirib.
Məlumata görə, Pinyera helikopter havaya qalxdıqdan sonra onun nasaz olduğunu anlayıb və sərnişinləri xilas etmək üçün gölün üzərindən enməyə başlayıb. Onunla birlikdə gəmidə bacısı Maqdalena Pinyera, dostu və oğlu olub. Hər üçü sağ qalıb.
Yarılma nəticəsində Pinyeranın ölüm səbəbinin suda bataraq boğulma olduğu müəyyən edilib. Onun meyiti suyun 40 metr dərinliyində helikopterdə tapılıb.
Xatırladaq ki, faciə fevralın 6-da baş verib. Eks-prezidentin vəfatı ilə əlaqədar Çilidə üçgünlük matəm elan edilib. Pinyera 2010-2014-cü və 2018-2022-ci illərdə prezident olub.
Azərbaycan daha bir ölkədən lobya tədarük etməyə başladı
Əmtəə bazarlarında qızıl 4 000 dollara ticarət olunur
İranın hücumundan sonra aeroportu bağladılar
Neftimiz bahalaşdı
Moskvaya dron hücumu
Xərçəngin qarşısını almağa və ürəyi qorumağa kömək edən məşhur giləmeyvə
Xırdalanda yaşayış binasında yanğın başlayıb
Hörmüzdə iki neft tankeri minaya düşərək partladı
Piylənməyə qarşı dərmanlarla bağlı xəbərdarlıq
ABŞ İrana məxsus neft tankerini yenidən vurdu
Şuşada Vaqif Poeziya Günlərinin açılış mərasimi keçirilib
Son 5 ildə elmi dərəcə almış şəxslərin statistikası