Ermənilər Ağdamdan gedən bezləri yandıracaq?

Ağdam-Xankəndi yolu vasitəsilə Xankəndiyə göndərilən humanitar yüklərin arasında Türkiyə istehsalı uşaq bezləri də varmış.

Bu barədə erməni mediası məlumat yayıb.

Bildirilib ki, Qarabağdakı ermənilər bundan “xəbər tutduqdan” sonra o bezlərin yandırılmasını tələb ediblər. İddialara görə, Ağdamdan yalnız Rusiya Qızıl Xaç Cəmiyyətinin “Rusiya istehsalı olan malları” gətirməsinə izn verilib.

Xatırladaq ki, separatçılar göndərilən yardımın “xüsusi ekspertizadan keçəndən sonra” paylanacağını açıqlayıb.