Tehranın Qızılhisar həbsxanasında saxlanılan Güney azərbaycanlı müəllim və siyasi məhbus Cəfər İbrahiminin səhhəti ağırlaşıb.
Bu barədə insan haqları təşkilatları məlumat yayıb.
Məlumata görə, o, xəstəxanaya köçürülüb.
Sentyabrın 7-dən 12 siyasi məhbusla aclıq aksiyası keçirən müəllimin huşunu itirdiyi, həyatının təhlükədə olduğu bildirilib.
Qeyd edək ki, Həmədan şəhərindən olan Cəfər İbrahimi İran Müəllimlər Birliyinin 2022-ci il mayın 1-ə təyin etdiyi kütləvi etiraz aksiyalarından bir gün öncə - aprelin 30-da təhlükəsizlik məmurları tərəfindən saxlanılıb. O, “əlbir olmaq və toplaşmaq”, habelə “hökumət əleyhinə təbliğat” ittihamları ilə 5 il azadlıqdan məhrum edilib.