Saakaşvili: “Putinin hərbi əsiriyəm”

Bu gün xalq görəcəkdi ki, ağır fiziki vəziyyətim olsa da, məni ruhən sındıra bilməyiblər, həmişəkindən daha gümraham. Və bu, hökumətin bütün təbliğatını məhv edərdi.

Bunu Gürcüstanın keçmiş prezidenti Mixail Saakaşvili bu gün keçirilməsi nəzərdə tutulan məhkəmə iclasının təxirə salınmasına münasibət bildirərkən deyib.

“Mən Putinin və onun yerli marionetlərinin əsiriyəm. Mənim həbsim Gürcüstan tarixinin ən biabırçı səhifəsidir. Gürcüstan zorakılıq, siyasi məhbuslar və digər “rus minaları” olmadan normal, demokratik, rəqabətli siyasi prosesə qayıtmalıdır”, - Saakaşvili bildirib.