Böyük Britaniya Baş nazirinin müavini, ədliyyə naziri Dominik Raab "nalayiq davranış" ittihamları səbəbindən istefa verib.
O, bu barədə Tvitter hesabında yazıb.
Məlumata görə, Baş nazir Rişi Sunaka D.Raabla bağlı 8 rəsmi şikayət daxil olub. Raab isə bu iddiaları qəbul etməyib. O, hər zaman peşəkarcasına fəaliyyət göstərdiyini vurğulayıb.
Baş nazirin müavini istefa ərizəsində şikayətləri qüsurlu adlandırıb və istintaqın ona qarşı iki fakt aşkarladığını deyib.