İran hicaba görə hansı şəhərdə onlarla iş yerini bağladı?

İranın Mərkəzi əyalətinin Ərak şəhərində məcburi hicab və orucluq ayı qaydalarına riayət etmədiklərinə görə 41 iş yerinin lisenziyası ləğv edilib.

Bu barədə Mərkəzi əyalətinin polis idarəsinin nümayəndəsi Mehdi Təqəviniya məlumat verib.

Qeyd edək ki, son iki həftədə İranda məcburi hicab qaydalarına riayət edilməməsi, orucluq ayında müştərilərə xidmət göstərilməsi, musiqi səsləndirilməsi və digər səbəblərə görə 1000-dən çox iş yerinin fəaliyyəti qadağan edilib.