Son illər ölkədə artan qiymətlər fonunda pensiyaların real alıcılıq qabiliyyətinin azalması ciddi müzakirə mövzusuna çevrilib. Sosial təminatın maaş artımına, yoxsa inflyasiya səviyyəsinə uyğunlaşdırılmalı olduğu barədə müxtəlif yanaşmalar irəli sürülür.
AvroMedia.Az xəbər verir ki, pensiyaların hansı meyarlara əsasən hesablanmalı olduğu ilə bağlı Konkret.az-a açıqlama verən Azərbaycan Qiymətləndiricilər Cəmiyyətinin sədri Vüqar Oruc mövcud indeksləşmə mexanizmlərindən və gözlənilən dəyişikliklərdən danışıb.
“İqtisadi güc və inkişaf səviyyəsi birbaşa olaraq maaşların və pensiyaların artımına təsir göstərir. Hazırda Azərbaycanda hər il əvvəlki illə müqayisədə orta aylıq əməkhaqqının məbləği nəzərə alınır və artım faizi indeksləşdirilir. Məhz bu indeks əsasında həm əməkhaqları, həm pensiyalar, həm də digər sosial müavinətlər artırılır”.
Vüqar Oruc qeyd edib ki, ötən il bu indeksləşmə 9,2 faiz təşkil edib və cari il ərzində də maaşların, pensiyaların və müavinətlərin bu istiqamətdə artırılması gözlənilir.
“Əsas qaydalara görə minimum əməkhaqqı orta əməkhaqqının yarısından aşağı olmamalıdır. Hazırda bu göstərici təxminən 500–550 manat civarındadır. Pensiyalar isə adətən minimum istehlak büdcəsinə uyğun şəkildə hesablanır.
2026-cı il üçün yaşayış minimumunun ölkə üzrə 300 manat, əmək qabiliyyətli əhali üçün 317 manat, pensiyaçılar üçün 245 manat, uşaqlar üçün isə 260 manat səviyyəsində müəyyənləşdirilməsi nəzərdə tutulur”.
Vüqar Oruc vurğulayıb ki, gözlənilən əsas məqam pensiyaların minimum həddinin minimum istehlak büdcəsinə uyğunlaşdırılmasıdır. Bununla belə, ölkədəki qiymət artımı fonunda istər pensiyaların orta həddi, istərsə də minimum əməkhaqqı məbləğlərinin mövcud qiymətlərlə müqayisədə kifayət qədər aşağı olduğu da diqqət çəkir.
Kəlbəcərdə mina partladı
Ermənistan güləşçiləri Bakıya gələcək
Bu küçədə təmir aparılacaq
Sürücülük vəsiqəsi ilə bağlı qaydalar dəyişdi
Azərbaycanla Almaniya arasında Birgə Bəyannamə imzalandı
Jurnalistika ixtisasına qəbul olmaq istəyənlərin nəzərinə
Berlində İlham Əliyevin rəsmi qarşılanma mərasimi olub
MİDA-dan ev almaq istəyənləri aldadan şəxslər həbs edildi
Azərbaycan və Almaniya arasında birgə bəyannamə imzalanacaq
"Partlayan baş sindromu" nədir?
Bu il doğulan körpə sayı azalıb
Bu qidalanma vərdişləri xərçəng riskini artırır