“Zəfərdən təhsilə”

AvroMedia.Az  xəbər verir ki, bu barədə Elm və Təhsil Nazirliyi məlumat yayıb. 
Bildirilib ki, şagird tutumu 960 nəfər olan məktəbdə hazırda ümumilikdə 335 şagird təhsil alır. Tədris prosesinin səmərəli təşkili məqsədilə məktəbdə 27 nəfər təhsil verən fəaliyyət göstərir. Eyni zamanda, təhsil müəssisəsinin inzibati və texniki fəaliyyətinin təmin olunması üçün 10 texniki işçi çalışır. Bu göstəricilər məktəbin həm pedaqoji, həm də təşkilati baxımdan formalaşmış struktur olduğunu nümayiş etdirir.
Cəbrayıl şəhəri Mehdi Mehdizadə adına tam orta ümumtəhsil məktəbi müasir texniki və tədris infrastrukturu ilə seçilir. Məktəbdə 4 STEAM otağı, 2 İKT kabineti, 6 laboratoriya, kitabxana və idman zalı şagirdlərin istifadəsinə verilib. Yaradılan bu imkanlar şagirdlərin elmi biliklərinin, texnoloji bacarıqlarının və praktik düşünmə qabiliyyətlərinin inkişafına geniş şərait yaradır.
Qeyd edək ki, Cəbrayıl şəhərində müasir təhsil müəssisəsinin fəaliyyətə başlaması şagirdlərin doğma torpaqlarda keyfiyyətli təhsilə çıxışının təmin olunmasına, eyni zamanda bölgədə sosial həyatın bərpasına və dayanıqlı inkişafın gücləndirilməsinə mühüm töhfə verir.







скачать dle 12.1