Bələdiyyə torpaqları ilə bağlı VACİB AÇIQLAMA

“Azərbaycan Respublikasının “Bələdiyyə torpaqlarının idarə edilməsi haqqında” Qanunun 9-cu maddəsinə əsasən, bələdiyyə ərazisində daimi yaşayan və azı 5 il ərzində həmin ərazidə qeydiyyatda olan vətəndaşlara fərdi yaşayış evinin tikilməsi məqsədilə torpaq sahəsi ayrılması mümkündür. Lakin bu zaman bir sıra hüquqi məhdudiyyətlər nəzərə alınmalıdır”.
Bu fikirləri  açıqlamasında hüquqşünas Turan Abdullazadə səsləndirib.

“Qanunun 9.8-ci bəndinə əsasən, əgər torpaq sahəsi açıq torpaq hərracı və ya müsabiqə yolu ilə deyil, istisna hallarda (məsələn, yaşayış məqsədilə) ayrılıbsa, həmin ərazi üzərində mülkiyyət hüququ qazanıldıqdan sonra 5 il müddətində torpaqla bağlı heç bir əməliyyat aparıla bilməz. Yəni vətəndaş bu torpaq sahəsini nə sata, nə bağışlaya, nə də digər hüquqi əməliyyatlar vasitəsilə özgəninkiləşdirə bilər.

Eyni zamanda, bələdiyyə torpaqlarının dövlət mülkiyyətinə və ya icarəsinə verilməsi yalnız Azərbaycan Respublikasının beynəlxalq müqavilələr üzrə götürdüyü öhdəliklər çərçivəsində həyata keçirilir .

Hüquqşünas vətəndaşlara tövsiyə edir ki, bələdiyyə torpağı əldə etməzdən əvvəl onun hansı qaydada ayrıldığını diqqətlə araşdırsınlar və xüsusilə, 5 illik məhdudiyyətlə bağlı hüquqi nəticələri nəzərə alsınlar.

скачать dle 12.1