Bu vitaminlər xərçəngdən qoruyur

ABŞ-nin Corciya Universiteti tərəfindən aparılan araşdırmalar göstərib ki, Omeqa-3 və Omeqa-6 yağ turşuları müxtəlif xərçəng xəstəliklərinin qarşısını alır.

AvroMedia.az xəbər verir ki, tədqiqat on ildən çox izlənilən 250 min insanın məlumatlarını araşdırılaraq aparılıb. Tədqiqatın aparıcı müəllifi Yuçen Zhang, "Omega-3 və Omega-6-nın yüksək səviyyələri daha aşağı xərçəng nisbətləri ilə əlaqəli idi" deyib.

Bildirilib ki, bu yağ turşularının daha çox qidalanma vərdişlərinə əlavə edilməlidir. Bu yağ turşuları iltihabi və metabolik prosesləri tənzimləyərək şiş hüceyrələrinin çoxalmasının və sağ qalmasının qarşısını alır.

Mütəxəssislər eyni zamanda tərkibində bu vitaminlər olan ərzaqlardan istifadəni tövsiyyə edir.

Ağ balıq, avokado, brokolli, fındıq, qoz, digər dəniz məhsulları bu vitaminlərlə zəngindir.