Putinin zərbə qərarını çoxdan gözləyirdik - Volodin

Dövlət Duması Rusiya Prezidenti Vladimir Putinin qəbul etdiyi qərarı dəstəkləyir.
Axar.az xəbər verir ki, bu barədə Rusiya Dövlət Dumasının sədri Vyaçeslav Volodin Dneprə "Oreşnik" ballistik raketinin buraxılmasını şərh edərkən bildirib.
"Vladimir Putin bizim dəstəklədiyimiz bir qərar verdi. ABŞ və onun avropalı müttəfiqlərinin Rusiyanın ərazisini vurmaq üçün uzaqmənzilli raketlərdən istifadə etdiyi bir şəraitdə bu, düzgün və çoxdan gözlənilən cavab idi”, - Volodin vurğulayıb.
Qeyd edək ki, ötən gün Rusiya "Oreşnik" ortamənzilli hipersəs ballistik raketi ilə Dneprə ağır zərbələr endirib.