Bir çox insan gün ərzində şirniyyat yemək istəyinin qarşısını almaqda çətinlik çəkir. Mütəxəssislər bildirirlər ki, şəkərə olan həddindən artıq meyl həm qidalanma vərdişləri, həm də orqanizmdə müəyyən maddələrin çatışmazlığı ilə əlaqəli ola bilər.
AvroMedia.az xəbər verir ki, dietoloqların sözlərinə görə, şirniyyat istəyini azaltmaq üçün ilk növbədə qida rasionunda təbii şəkər mənbələrinə üstünlük verilməlidir. Meyvələr, xüsusilə alma, banan, armud və giləmeyvələr həm şirin dad ehtiyacını ödəyir, həm də orqanizmi vitamin və liflə təmin edir.
Mütəxəssislər qeyd edirlər ki, qoz, badam, fındıq kimi çərəzlər də qəfil şirniyyat istəyinin qarşısını almağa kömək edir. Tərkibində faydalı yağlar və zülal olan bu məhsullar toxluq hissini artırır və qan şəkərinin sürətli dəyişməsinin qarşısını alır.
Bundan əlavə, kifayət qədər su qəbul etmək də vacib hesab olunur. Bəzi hallarda insanlar susuzluğu aclıq və ya şirniyyat istəyi kimi qəbul edə bilirlər. Gün ərzində normaya uyğun su içmək bu istəyin azalmasına kömək edə bilər.
Həkimlər həmçinin tünd şokoladın ölçülü şəkildə istehlakını alternativ variantlardan biri kimi göstərirlər. Kakao miqdarı yüksək olan tünd şokolad həm şirin ehtiyacını qismən qarşılayır, həm də adi şokoladlarla müqayisədə daha az şəkər ehtiva edir.
Mütəxəssislərin fikrincə, müntəzəm yuxu, fiziki aktivlik və balanslı qidalanma da şəkərə olan meyli azaltmağa kömək edən əsas amillər sırasındadır. Şirniyyatdan tamamilə imtina etmək əvəzinə, onu daha sağlam seçimlərlə əvəz etmək uzunmüddətli nəticələr baxımından daha effektiv hesab olunur.Milli.Az
İrandan 4 mərhələli sülh sazişi təklifi.
Bu günün valyuta məzənnələri
Bu şəxslərə dondurma yemək olmaz.
Britaniyada hərbi helikopter qəzaya uğradı.
Kartla ödənişlərdə xidmət haqqı yeni limitlərlə hesablanır.
Azərbaycanda ən çox bahalaşan meyvələr.
Əmtəə bazarlarında qızıl və gümüşün qiyməti artıb.
Günəşdə "qara partlayış"
Xəzər dənizində zəlzələ oldu.
Rubio TRIPP-dən danışdı - “Yeni imkanlar yaradacaq”
Millimiz Avropa çempionunu: üstələyərək finala çıxdı