Bu qidalar insult və infarkt riskini 67 faiz artırır.

ABŞ-da aparılan bir araşdırmaya görə, yüksək miqdarda həddindən artıq emal olunmuş qida qəbul edən insanların infarkt, insult və ya koronar ürək xəstəliyi riskini 67 faiz artır.
AvroMedia.Az "Sabah" a istinadən xəbər verir ki, hər əlavə porsiya isə bu riski 5 faiz yüksəldir.
ABŞ-ın Texas Universitetinin Hyustondakı Sağlamlıq Elmləri Mərkəzindən kardiologiya üzrə tədqiqatçı və araşdırmanın baş müəllifi Dr. Amier Haidar bildirib ki, ultra emal olunmuş qidalar ürək xəstəliyi riskini artırır.
Tədqiqat çərçivəsində 45-84 yaş arası 6814 yetkin şəxsin məlumatları təhlil edilib. Tədqiqatçılar iştirakçıların gündəlik ultra emal olunmuş qida istehlakını müəyyən etmək üçün qida sorğularından istifadə ediblər.