Japarovun Bakıya səfər proqramı açıqlandı

AvroMedia.az xəbər verir ki, bu barədə Qırğızıstan Prezidenti Administrasiyasının Xarici siyasət şöbəsinin müdiri Muratbek Azımbakiyev danışıb.

Məlumata görə, S.Japarov Bakıya səfəri çərçivəsində Azərbaycan Prezidenti İlham Əliyevlə danışıqlar aparacaq. Görüş zamanı tərəflər iki və çoxtərəfli əməkdaşlığa dair aktual məsələləri müzakirə edəcəklər.

Bildirilir ki, Dövlətlərarası Şuranın ikinci iclasının keçirilməsi və bu iclasın yekununda iqtisadi-ticarət və mədəni-humanitar sahələrdə əməkdaşlığın dərinləşdirilməsinə yönələn birgə bəyannamə və bir sıra sazişlərin imzalanması planlaşdırılır.

Japarovun, həmçinin Ağdamın Xıdırlı kəndində orta məktəbin təməlqoyma mərasimində iştirakı gözlənilir.