AvroMedia.Az Milli.Az-a istinadən xəbər verir ki, amerikalı psixoloq və yazıçı Mark Travers "Forbes" üçün yazdığı məqalədə vurğulayır ki, əsl uğurun açarı insanların öz gələcək "mən"lərini necə dərk etmələri və qərarlarını uzunmüddətli nəticələri nəzərə alaraq vermələridir.
Ani həzləri təxirə salmaq (Gözləmə bacarığı) pizza hut
Maliyyə cəhətdən uğurlu insanların sahib olduğu ilk vacib vərdiş, ani istəkləri və həzləri təxirə sala bilmək qabiliyyətidir. Psixoloqların fikrincə, söhbət yalnız güclü iradədən getmir. Uğurlu insanlar davamlı olaraq xərcləmə istəyi ilə mübarizə aparmaq əvəzinə, maliyyə mühitlərini düzgün qərarların avtomatik alınacağı şəkildə nizamlayırlar.
Məsələn, avtomatik qənaət sistemləri və maaşdan birbaşa yığım hesabına edilən nizamlı kəsintilər bunun ən yaxşı nümunəsidir. Beləcə, pula qənaət etmək daim iradə tələb edən bir yükə çevrilmir, gündəlik həyatın təbii bir parçası olur.
Sistemli düşünmə bacarığı
Mütəxəssislərin diqqət çəkdiyi ikinci vərdiş isə pul mövzusunda sistemli düşünmə bacarığıdır. Bir çox insan alış-veriş və ya investisiya qərarını təcrid olunmuş şəkildə qiymətləndirir. Maliyyə baxımından uğurlu insanlar isə hər bir qərarı daha böyük bir planın parçası kimi görürlər.
Onlar bir xərcləmənin yalnız o andakı faydasına deyil, bunun uzunmüddətli hədəflərinə necə təsir edəcəyini hesablayırlar. Bu yanaşma sayəsində alış-veriş qərarları gündəlik təsadüfi seçimlər olmaqdan çıxıb, gələcəkdəki maliyyə hədəflərinə aparan şüurlu addımlara çevrilir.
Psixoloqların fikrincə, hər iki vərdişin təməlində eyni psixoloji xüsusiyyət dayanır: Gələcəyi bu gündən ayrı və uzaq bir anlayış kimi deyil, bu günün bir uzantısı kimi qəbul etmək.
Gələcəkdəki özlərini somut və davamlı bir varlıq kimi dərk edən insanlar, illər sonra özlərinə fayda verəcək qərarlar almaqda daha uğurlu olurlar. Buna görə də, maliyyə rifahına çatmağın yolu təkcə daha çox pul qazanmaqdan deyil, həm də gələcəyi düşünmə tərzini dəyişməkdən və uzunmüddətli hədəflərə uyğun vərdişlər inkişaf etdirməkdən keçir.
Çovdar çörəyinin bilinməyən faydaları
Xorultunun qarşısını dərmansız necə almaq olar?
Azərbaycan duz istehsalını artırıb
Onlar da avroya keçir
Bakı-Naxçıvan aviareysləri ildırıma görə ləğv edildi
Bu metro stansiyalarında lift olacaq
Rəngli yuxuları kişilər, yoxsa qadınlar görür?
Azərbaycanda ödənişli hərbi xidmət olacaq?
Neftimiz ucuzlaşdı
İçərişəhərdəki bu tədbir havaya görə təxirə salındı
Bu ərazilərdə leysan yağır
Kimlər təyyarə ilə uçmamalıdırlar?