Kosmosda daha bir ilk: İki asteroidin səthində su aşkar edildi

Kosmosda iki asteroidin səthində su aşkar edilib.
Bu barədə "Haber Global"a istinadən xəbər verir.
Günəş sistemi planetlərdən və aylardan tutmuş kometlərə və asteroidlərə qədər müxtəlif obyektlərin toplusudur.
Hesab olunurdu ki, Günəş ətrafında 1 milyondan çox asteroid var və onların üzərindəki su çoxdan buxarlanmış olmalıdır.
Bununla belə, SOFIA infraqırmızı teleskopunun məlumatlarından istifadə etməklə aparılan yeni araşdırmada İris və Massalia asteroidlərinin səthində su aşkar edilib.
Milyonlarla asteroid arasında İris digər asteroidlərin təxminən 99 faizindən böyük olan 199 kilometr diametrə malikdir.
Mars və Yupiter arasındakı asteroid qurşağında o, Günəş ətrafında orta hesabla 2,39 astronomik vahid məsafədə fırlanır və bir orbiti tamamlamaq üçün 3,7 il çəkir.BAKU.WS