Masallıda narkotik ticarətinə ağır zərbə

Masallıda 14 kiloqram narkotik vasitə aşkarlanıb.

Bu barədə AvroMedia.az Daxili İşlər Nazirliyinin mətbuat xidmətindən məlumat verilib.

Masallı Rayon Polis Şöbəsinin əməkdaşları tərəfindən narkotiklərin qanunsuz dövriyyəsinə qarşı əməliyyat keçirilib. Tədbir zamanı 25 yaşlı İbrahim Əliyev və 35 yaşlı Vüqar Həsənov saxlanılıblar. Onlardan ümumilikdə 14 kiloqram marixuana, heroin və tiryək aşkarlanıb. Faktla bağlı cinayət işi başlanılıb. Saxlanılan şəxslər barəsində məhkəmənin qərarı ilə həbs qətimkan tədbiri seçilib.