Təyyarədə yanğın

Türk Hava Yollarına məxsus sərnişin təyyarəsində yanğın baş verib.

AvroMedia.Az Türkiyə mətbuatına istinadən bildirir ki, İstanbuldan Nepalın paytaxtına uçan “Airbus A330” tipli təyyarəsinin sağ arxa təkəri enişdən sonra alovlanıb.
Hadisə səbəbindən hava limanı bir saatlıq bağlanıb.

Məlumata görə, təyyarədə olan 277 sərnişin və 11 ekipaj üzvü təxliyə edilib. Xəsarət alan olmayıb.

Nepal Mülki Aviasiya İdarəsinin sözçüsü Gyanendra Bhul bildirib ki, yanğın qısa müddətdə söndürülüb və təyyarə dayanacağa çəkilərək istismardan çıxarılıb.

Türk Hava Yolları isə açıqlamasında tüstünün hidravlik borudakı texniki nasazlıq səbəbindən yarandığını ehtimal etdiklərini bildirib. Şirkət sərnişinlərin geri daşınması üçün əlavə reys planlaşdırıb.