Futbolçunun ölümünə görə Aleyna həbs olundu - Anası buraxıldı

İstanbulun Ümraniye rayonunda 21 yaşlı futbolçu Kubilay Kaan Kundakçının həyatını itirdiyi silahlı hücumla bağlı 7 nəfər həbs olunub.
AvroMedia.az “Qafqazinfo”ya istinadən xəbər verir ki, faktla bağlı başlanan istintaq çərçivəsində ümumilikdə 10 şübhəli saxlanılıb.
Onlardan 7 nəfər barəsində həbs qətimkan tədbiri seçilib. Həbs olunanlar arasında Aleyna Kalaycıoğlu və müğənni İzzet Yıldızhan da var. İki şübhəli isə məhkəmə tərəfindən polis nəzarəti tətbiq olunaraq sərbəst buraxılıb. Onlardan biri Aleyna Kalaycıoğlunun anası Zuhal Kalaycıoğludur.
Xatırladaq ki, martın 19-da baş vermiş cinayətin iş adamı Bilal Kadayıfçıoğlunun oğlu Alaattin Kadayıfçıoğlu tərəfindən törədildiyi bildirilmişdi. Bu hadisə cəmiyyətdə geniş rezonans doğurub.