Murovda itkin düşən hərbçinin nəşi tapıldı

Birinci Qarabağ müharibəsinin daha bir itkin-şəhidinin şəxsiyyəti müəyyənləşdirilib.

AvroMedia.Az -ın əldə etdiyi xəbərə görə, bu, Kərimov Şahin Heydər oğludur. 
O, 1993-cü il aprelin 4-də Murovdağda itkin düşmüşdü. 
2020-ci ildə Kəlbəcər rayonu işğaldan azad olunduqdan sonra itkin-şəhidin meyitinin qalıqları tapılıb. Aparılan ekspertizalar nəticəsində qalıqların Şahin Kərimova aid olması dəqiqləşib.  

Qeyd edək ki, əslən Kəlbəcər rayonunun Zar kəndindən olan Ş.Kərimov 1972-cü il dekabr ayının 14-də Mingəçevir şəhərində doğulub. 
Ermənistanın Azərbaycana qarşı hərbi təcavüzü başladığı bir dövrdə könüllü şəkildə ordu sırlarına qoşulub. Kəlbəcərdə gedən döyüşlərdə iştirak edib.
1993-cü il aprelin 4-də Murovdağda yaralanıb və onu döyüş meydanından çıxarmaq mümkün olmayıb. Həmin dövrdən itkin düşüb. 
Subay idi. скачать dle 12.1