Ərdoğandan əməliyyat mesajı: Suriyadakı yarımçıq işimizi...

Biz bu yay İraqla sərhədin təhlükəsizliyini tam təmin edəcəyik. Suriyada yarımçıq qalan işimizi tamamlayacağıq.
Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan əsgərlərlə iftar proqramında deyib.
Onun sözlərinə görə, terror təşkilatlarına qarşı mübarizə davamlı və qəti şəkildə aparılacaq:
“Biz ölmək, yox olmaq ərəfəsində olan bu müqaviləli qatil dəstələrinin yenidən çiçəklənməsinə və yenidən millətin başına bəla olmasına imkan verməyəcəyik. Məqsədimiz övladlarımıza terrorun qaranlıq kölgəsindən tamamilə azad, yolu və bəxti aydın olan Türkiyəni çatdırmaqdır”.