Dövlət qurumu əhaliyə XƏBƏRDARLIQ ETDİ

“Avqustun 19-20-də respublikanın bəzi bölgələrində isti hava şəraitinin hökm sürəcəyi gözlənilir”.
AvroMedia.az xəbr verir ki, bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.
Xidmətin rəisi Nazim Mahmudov vurğulayıb ki, belə hava şəraitində təbiət ərazilərində, xüsusilə də meşə sahələrində yanğın təhlükəsi riski artır.
“Bu səbəbdən əhaliyə müraciət edirik ki, təbiətdə təsərrüfat işləri apararkən və ya istirahət edərkən mütləq yanğın təhlükəsizliyi qaydalarına əməl olunmalı, odla ehtiyatlı davranılmalıdır”.
N.Mahmudov, həmçinin, xidmət tərəfindən respublika ərazisində yanğına həssas bölgələrin yanğın indeksinin hazırlandığını və riskli istiqamətlərin müəyyən edildiyini də açıqlayıb.
“Gəncə-Qazax bölgəsində Tovuz və Ağdamda yüksək, Ağstafa və Naftalanda çox yüksək, Quba-Xaçmaz bölgəsi üzrə Quba və Qusarda yüksək, Şabranda çox yüksək, Dağlıq Şirvan bölgəsində İsmayıllı və Qobustanda çox yüksək, Lənkəran-Astara bölgəsində Lənkəran, Yardımlı və Astarada yüksək yanğın təhlükəsi müəyyən edilib”.скачать dle 12.1