“BakıKart”ın tətbiqi hələ də işləmir - Rəsmi açıqlama

“BakıKart”ın mobil tətbiqi 5 gündür işləmir, hələ də bank kartlarından “BakıKart”a pul yükləmək mümkün deyil”.
AvroMedia.az xəbər verir ki, bu barədə sosial şəbəkələrdə məlumatlar yayılıb.
Vətəndaşlar tətbiqdəki cüzdan bloklandığı üçün balansdakı puldan istifadə edə bilmədiklərindən şikayət edirlər.
Hazırda problemin həlli ilə bağlı hansı işlər görülür? Problem nə vaxt aradan qaldırılacaq? Bu suallarla Azərbaycan Yerüstü Nəqliyyat Agentliyinə (AYNA) müraciət etdik. Qurumdan sorğumuza cavab olaraq bildirildi ki, yaranmış texniki problemin aradan qaldırılması ilə əlaqədar iş aparılır:
“BakıKart” tətbiqində yaranan texniki nasazlığın aradan qaldırılması istiqamətində işlər davam etdirilir. Sərnişinlərdən ictimai nəqliyyatda ödəniş üçün müvəqqəti olaraq “BakıKart” kartlarından və mövcud digər alternativlərdən istifadə etməyi xahiş edirik”.
Qeyd edək ki, daha əvvəl də “BakıKart” tətbiqində problemlərin olması ilə bağlı məlumat yayılmışdı. Sərnişinlər texniki nasazlıq səbəbindən tətbiqdən istifadə edə bilmədiklərini deyirdilər.скачать dle 12.1